Kriminal
2025-10-24 18:55:00
Azərbaycan Dillər Universitetinin yataqxanasında məskunlaşan Cəbrayıl rayonundan məcburi köçkün düşmüş Gənc Tamaşaçılar Teatrının rejissoru Gülnar Hacıyevanın yataqxanada yaşaması təmin olunub.
2025-10-24 18:34:00
31 oktyabr - 2 noyabr tarixlərində Bakıda "Bakıya uçuş. İncəsənət həftəsonu. Gələcəyi İNDİ duy" ("Fly to Baku. Art Weekend. Sense the Future NOW") adlı möhtəşəm incəsənət festivalı keçiriləcək. Festival incəsənəti, mədəniyyəti və ekologiyanı bir araya gətirəcək.
2025-10-24 18:03:00
Bülbülün Memorial Muzeyinin təqdim etdiyi "Bülbülün qonaqları" layihəsi görkəmli tarzən, Azərbaycanın ilk Xalq artisti Qurban Pirimovun 145 illiyinə həsr olunub.
2025-10-24 16:03:00
Beynəlxalq Muğam Mərkəzində "Azərbaycan Muğamı" layihəsi çərçivəsində "Rast dəstgahı" təqdim olunub. Konsertdə IX Muğam Televiziya Müsabiqəsinin qalibləri Aytac Bəybalayeva və Kənan Novruzov çıxış ediblər.
2025-10-24 15:25:00
26 oktyabr saat 18.00-da Bakıda Opera Studiyasının səhnəsində maestro Melvin Trevisin təqdimatında həm əyləncəli, həm də maarifləndirici layihəsi olan "Uşaqlar üçün caz" konserti olacaq.
2025-10-24 11:00:00
Oktyabrın 31-dən noyabrın 2-dək incəsənət, mədəniyyət və ekologiyanı bir araya gətirən, Heydər Əliyev Fondunun təşkilatçılığı və Mədəniyyət Nazirliyinin tərəfdaşlığı ilə keçiriləcək "Bakıya Uçuş. İncəsənət Həftəsonu: Gələcəyi İNDİ Duy" ("Fly to Baku. Art Weekend. Sense the Future NOW") incəsənət festivalı zamanı şəhərin müxtəlif qalereyalarında 10-dan çox sərgi açılacaq və bu sərgilər festivalın əsas hissəsini təşkil edəcək.
2025-10-24 00:38:00
Ərini öldürüb həyətdə basdırdı.. Üstünə gül, mandarin əkdi, giriş qadağandır nişanı qoydu...
2025-10-23 21:41:00
10 ay əvvəl Sabunçu rayonu, Bakıxanov qəsəbəsində itkin düşən 1985-ci il təvəllüdlü Samir Arif oğlu Əliyevin 39 yaşlı həyat yoldaşı Elmira Vidadi qızı İbrahimova tərəfindən odlu silahla qətlə yetirildiyi və meyiti yaşadığı evin həyətində basdırdığı müəyyən edilib.
2025-10-23 21:00:00
Heydər Əliyev Fondu və İDEA İctimai Birliyinin təşkilatçılığı, Azərbaycan Respublikasının Mədəniyyət Nazirliyinin tərəfdaşlığı ilə keçiriləcək "Art Weekend" zamanı başlıca element seçilən su müxtəlif təqdimatların əsas mövzusu olacaq.
2025-10-23 19:31:00
Azərbaycan Milli İncəsənət Muzeyində (AMİM) görkəmli rəssam Mirzə Qədim İrəvaninin 200 illik yubileyi münasibətilə AMİM-nin təşəbbüsü ilə "Azərpoçt" MMC tərəfindən dövriyyəyə buraxılan poçt markalarının təqdimat mərasimi baş tutub.
2025-10-23 19:12:00
Beyləqanda otelin müdiri və qeydiyyatçısı (resepşın) saxlanılıb.
2025-10-23 19:11:00
Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzi (MEMİM) tərəfindən Qarabağ bölgəsində həyata keçirilən "Mədəniyyət rüzgarı" layihəsi çərçivəsində Qarabağ Universitetinin İncəsənət fakültəsində "Azərbaycan mədəniyyətində Üzeyir Hacıbəyli fenomeni" mövzusunda elmi-praktik seminar təşkil olunub.
2025-10-23 15:15:00
Azərbaycan mədəniyyətinin zəngin ruhunu əks etdirən "Xarı Bülbül" çilçırağının təqdimat mərasimi möhtəşəm bir gecəyə çevrilib.
2025-10-23 14:37:00
Beynəlxalq Muğam Mərkəzində Azərbaycan və Özbəkistan muğam ifaçılarının birgə konserti keçirilib.
2025-10-23 11:50:00
Suraxanı rayonunun Qaraçuxur qəsəbəsi, Əhməd Mehbalıyev küçəsi, bina 7 ünvanında yerləşən yaşayış sahəsi yenidən planlaşdırma layihəsinə daxil edilib.
2025-10-22 21:01:00
Çin Xalq Respublikasında keçirilən 24-cü Şanxay Beynəlxalq İncəsənət Festivalı çərçivəsində M.Maqomayev adına Azərbaycan Dövlət Akademik Filarmoniyasının kollektivi Bakı Dövlət Kamera Orkestrinin müşayiəti (bədii rəhbər və baş dirijor, Əməkdar artist Fuad İbrahimov), solistlər Xalq artisti Yeganə Axundova və beynəlxalq müsabiqələr laureatı Nəzrin Aslanlının (violin) iştirakı ilə möhtəşəm konsert proqramı baş tutdu. Konsertdə Azərbaycan və dünya klassik musiqisinin inciləri təqdim olunub.
2025-10-22 20:21:00
30 oktyabr - 2 noyabr 2025-ci il tarixlərində Azərbaycanın paytaxtı yenidən dünyanın rəqs mərkəzinə çevriləcək: JW Marriott Absheron Baku otelində möhtəşəm Azerbaijan Dance Festival keçiriləcək. Festival çərçivəsində prestijli beynəlxalq yarışmalar təşkil olunacaq: WDC AL World Championships, WDC European Championships, Pro-Am World Cups Ballroom, Latin və Smooth kateqoriyalarında, həm solo, həm də cütlüklər üçün, bütün yaş qruplarında - uşaqlar və gənclərdən böyüklərə, peşəkarlar və Pro-Am iştirakçılarına qədər. Bayramın kulminasiya nöqtəsi isə möhtəşəm gala-show "Night of the Dancing Diamonds" (Rəqs edən Brilyantlar Gecəsi) olacaq. Festivalın təşkilatçıları - Azərbaycanın xalq artisti Tarana Muradovanın rəhbərlik etdiyi Azərbaycan Rəqs Şurası (AZDC) və onun təsisçisi və prezidenti Olqa Krasnyanskaya olan Smooth & Rhythm Dance Style (SRDS) şirkətidir. Festivalın əsas missiyası Azərbaycanın bədii və idman xarakterli rəqs sənətinin inkişafına diqqət çəkmək, milli mədəni dəyərləri gücləndirmək və idmanla incəsənətin sintezini nümayiş etdirməkdir. Layihə gəncləri cəlb etməyə, ruh və bədən harmoniyasını formalaşdırmağa və yeni azərbaycanlı rəqs cütlüklərini hazırlamağa yönəlib ki, onlar ölkəni dünya çempionatlarında layiqincə təmsil edə bilsinlər. Festivalın əsas tədbirləri: • Professional Smooth üzrə WDC Avropa Çempionatı • Open to the World açıq çempionatları: Ballroom, Latin, Smooth (Super Trophy SRDS Ranking Event seriyası) • WDC AL dünya çempionatları bütün yaş qruplarında - Smooth və Solo Smooth proqramları • Hobbiçilər, gənclər, səyahətçilər və solistlər üçün açıq çempionatlar • Salsa, Bachata, Argentine Tango yarışları • Pro-Am yarışlar: Ballroom, Latin, Smooth, Rhythm, Argentine Tango, Caribbean Mix kateqoriyaları • World Pro-Am Dance Cup - dünya seriyasının mərhələsi (ikiqat xal sistemi ilə) Konqres və Gala-show 30-31 oktyabr tarixlərində Azərbaycan Rəqs Şurası tərəfindən təşkil olunan Beynəlxalq Rəqs Konqresi keçiriləcək. İştirakçılar International Ballroom, Latin və Smooth istiqamətlərində aparıcı beynəlxalq müəllimlərin ustad dərslərində iştirak edə biləcəklər. 31 oktyabr tarixində tamaşaçılar gala-show "Night of the Dancing Diamonds" ilə tanış olacaqlar; burada dünyanın ən yaxşı rəqs cütlükləri çıxış edəcək. Bu il show xüsusi əhəmiyyət daşıyır - Azərbaycanın xalq artisti Tarana Muradovanın yubileyinə həsr olunub. 1 noyabr tarixində festivalın əsas yarışları keçiriləcək, o cümlədən World Smooth Championships bütün yaş qrupları üçün və European Professional Championships in Smooth - WDC və Azerbaijan Dance Festival tarixində ilk dəfə. Həmin gün qonaqlar tarixi Bakıya ekskursiyaya dəvət olunacaq, gün isə bayram gala-şam yeməyi və rəqs proqramı ilə başa çatacaq. 2 noyabr tarixində festival ilk dəfə olaraq World Cup Pro-Am seriyasına qatılacaq - dünyada yalnız 15 eksklüziv mərhələdən biridir. Tədbir isə "My Azerbaijan" adlı rəsmi vida afterparty ilə yekunlaşacaq. Azerbaijan Dance Festival və Night of the Dancing Diamonds yalnız yarışlar və şou deyil, idman, incəsənət və ilhamı birləşdirən genişmiqyaslı mədəni hadisədir. Bilet əldə etmək üçün: https://iticket.az/events/azerbaijan-dance-festival-2025 İnformasiya dəstəyi - Trend.Az, Day.Az, Son.az, Azernews.Az
2025-10-22 20:01:00
"Bakıya Uçuş. İncəsənət Həftəsonu: Gələcəyi İNDİ Duy" incəsənət festivalı Azərbaycanın mədəni həyatında parlaq bir hadisə olacaq.
2025-10-22 19:44:00
Fikrət Əmirov adına Gəncə Dövlət Filarmoniyasında "Azərbaycan kino musiqisi" adlı konsert proqramı baş tutub. Tədbirin məqsədi Azərbaycan kinosunun musiqi incilərini tamaşaçılara təqdim etmək, milli kino musiqisinin zəngin ənənələrini yaşatmaq və təbliğ etmək olub.
2025-10-22 18:39:00
Bakının Qaradağ rayonunun Sahil qəsəbəsində 1976-cı il təvəllüdlü Ərəstun Şahverdiyevi bıçaqlayan qardaşı oğlu, 30 yaşlı Nəcməddin Şahverdiyevin məhkəməsində bir sıra maraqlı məqamlar üzə çıxıb.
2025-10-22 18:25:00
Füzuli Dövlət Dram Teatrının direktoru, Əməkdar mədəniyyət işçisi Vaqif Vəliyevin son sağlıq durumu açıqlanıb.
2025-10-22 18:07:00
Mosaic Del Arte tərəfindən "Şirvan xalçası" əfsanəsi əsasında hazırlanan "İki xalça" baletinin dünya premyerası çərçivəsində "Astana Balet" Teatrında "Azərxalça" ASC-nin ekspozisiyası nümayiş etdirilib. Premyera üçün "Azərxalça"nın ustaları tərəfindən xüsusi olaraq toxunmuş unikal xalça Bakından gətirilərək teatrın foyesində digər eksponatlarla birlikdə sərgilənib. Bu xalça ölkələr arasında mədəni körpünün rəmzi kimi təqdim olunub. Ənənəvi və müasir xalçalardan ibarət ekspozisiya qonaqların böyük marağına səbəb olub, onlar üçün Azərbaycan xalçaçılıq sənətinə dair ustad dərsi də təşkil edilib. "Azərxalça" ASC-nin İdarə Heyətinin üzvü və yaradıcı direktoru Əsmər Babayeva ekspozisiyanın və balet premyerasının - dünya klassik incəsənətinin inkişafı, milli irsin təbliği baxımından əhəmiyyətini xüsusi vurğulayıb: "Xalqların mədəniyyətlərinin, teatr və dekorativ sənətin bu qədər gözəl vəhdəti ən yüksək qiymətə layiqdir. Layihə üzərində iş bir neçə ay əvvəl başladı. Bizə Azərbaycanın qədim xalçaçılıq sənətinə həsr olunmuş bir hekayə təqdim olundu. A. Kapustinanın müəllifliyi ilə hazırlanmış eskiz əsasında qısa müddətdə böyük komandamız unikal, tək nüsxədə bir xalça toxudu. Bu xalça ekspozisiyada nümayiş olunur və sanki teatr hadisəsinin bir iştirakçısına çevrilib. Burada həmçinin 'Azərxalça'nın zəngin kolleksiyasına daxil olan nadir nümunələr də təqdim olunub ki, Qazaxıstan tamaşaçıları bizim xalçaçılıq sənətimizlə yaxından tanış ola bilsinlər. Əminəm ki, 'İki xalça' baleti böyük uğurla dünyanın müxtəlif səhnələrində, eləcə də Azərbaycanda nümayiş etdiriləcək," - deyə Əsmər Babayeva bildirib. Qonaqlar arasında Azərbaycan Mədəniyyət Nazirliyinin müşaviri Oleg Amirbekov, "Azərxalça"nın sərgi mərkəzinin direktoru Rza Həsənov, həmçinin Azərbaycanın Qazaxıstandakı səfirliyinin nümayəndələri də olub. Xatırladaq ki, "Astana Balet" Teatrında iki gün ərzində böyük uğurla nümayiş etdirilən "İki xalça" baleti Mosaic Del Arte tərəfindən "Şirvan xalçası" - Luvr kolleksiyasına daxil olan qara-qırmızı xalça əsasında hazırlanıb. Yaradıcı kollektivin tərkibinə daxil olanlar: Valeri Kopeykin - librettosunun müəllifi, baş prodüser, Aleksandr Moqilev - baletmeyster-quruluşçu, rejissor, Arseniy Smirnov - bəstəkar, Anastasiya Kapustina - rəssam-quruluşçu, İqor Çapurin - kostyum rəssamı, Asel Abakayeva - repetitor-pedaqoq, Janna Yeqorova - Mosaic Del Arte şirkətinin baş direktoru, Mixail Çernıx - prodüser. Baş rolları Tatiana Ten (Leyla), Sundet Sultanov / Erkanat Ermağambet (Samir), Nataliya Fernandes Menes (Marqo) ifa ediblər. Səhnədə həmçinin "Astana Balet" teatrının artistləri və Qazaxıstan Milli Xoreoqrafiya Akademiyasının tələbələri çıxış ediblər - layihədə ümumilikdə 140-dan çox şəxs iştirak edib!
2025-10-22 18:06:00
Oktyabrın 31-dən noyabrın 2-dək incəsənət, mədəniyyət və ekologiyanı bir araya gətirən, Heydər Əliyev Fondunun təşkilatçılığı, Mədəniyyət Nazirliyinin tərəfdaşlığı keçiriləcək "Bakıya Uçuş. İncəsənət Həftəsonu: Gələcəyi İNDİ Duy" ("Fly to Baku. Art Weekend. Sense the Future NOW") layihəsinin rəsmi saytı (www.bakuartweekend.az) artıq fəaliyyətdədir. Saytda festivalın proqramı da incəsənətsevərlərin ixtiyarına verilib.
2025-10-21 23:45:00
Azərbaycan Respublikası Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin (MEMİM) təşkilatçılığı, Qarabağ Regional Mədəniyyət İdarəsinin dəstəyi ilə Qarabağ bölgəsində "Mədəniyyət rüzgarı" adlı silsilə tədbirlərə başlanılıb. MEMİM-in "Sənətkarın dostu" layihəsi üzrə Xankəndi şəhər Qarabağ Universitetinin İncəsənət fakültəsində Əməkdar incəsənət xadimi, ustad xanəndə, pedaqoq Aqil Məlikovla görüş keçirilib. Fakültənin dekanı bəstəkar Türkər Qasımzadə çıxış edərək layihənin təşkilinə görə təşəkkürünü bildirib, bu kimi maarifləndirici layihələrin müəllim və tələbələr üçün önəmini vurğulayıb. MEMİM-in direktor vəzifəsini icra edən sənətşünaslıq üzrə fəlsəfə doktoru, dosent Vüqar Hümbətov çıxışında dövlətimiz tərəfindən sürətlə dirçəldilən Qarabağın mədəni həyatında MEMİM-in də müəyyən qədər payının olmasından məmnunluğunu dilə gətirib, layihənin qonağı Aqil Məlikova dəvəti qəbul etdiyi üçün minnətdarlığını bildirib. Sonra görüş MEMİM-in əməkdaşı Ləman Eyyubovanın moderatorluğu ilə davam edib. Aqil Məlikov Azərbaycan klassik xanəndəlik məktəbləri, müxtəlif muğam və dəstgahlarda qəzəllərin ifa üçün düzgün seçilməsi, gənc ifaçıların həm ixtisas, həm də nəzəri baxımdan maarifləndirilməsi kimi məsələlərdən söz açıb. İnteraktiv formatlı görüşdə İncəsənət fakültəsinin müəllimləri - tarda Bəhruz Zeynalovun, kamançada Fərid Babayevin, nağarada tələbə İlqar Süleymanlının müşayiəti ilə bu fakültədə təhsil alan Xədicə İsmayılova "Mahur-hindi", İsmayıl İsmayılov isə "Rahab" muğamlarını səsləndiriblər. İncəsənət fakültəsinin müəllimlərindən Əməkdar artistlər Səbuhi İbayev, Fehruz Məmmədov (Səxavət) və Ehtiram Hüseynov, həmçinin xanəndə Səbinə Ərəbli bir-birindən maraqlı ifaları ilə tədbirə rəng qatıblar. Sonda Aqil Məlikov auditoriyanı maraqlandıran sualları cavablandırıb. Qarabağ Universitetinin professor-müəllim heyəti və tələbələrinin iştirak etdiyi görüş maraqla qarşılanıb. İnformasiya dəstəyi - Trend.Az, Day.Az, Son.az, Azernews.Az
2025-10-21 23:19:00
Bu il 3-cü CINEMO Beynəlxalq Mobil Film Festivalı keçiriləcək. Artıq qəbulu başa çatıb və Münsiflər Heyəti filmlərin qiymətləndirilməsinə başlayıb.
2025-10-21 23:00:00
Azərbaycan Dövlət Uşaq Filarmoniyasıda "Gəncliyin Sədası" adlı konsert proqramı baş tutdu. Konsertdə gənc ifaçılar İnci Həsənli (fortepiano), Surə Rüfət (violin), Cəlalə İsmayılzadənin (violonçel) ifasında tanınmış Azərbaycan eləcə də avropa bəstəkarlarının əsərləri səsləndi. Kifayət qədər təcrübə və biliyə malik gənc ifaçılar bir çox ölkələrdə, tanınmış beynəlxalq müsabiqə və konsertlərdə uğurla çıxış ediblər. Bu dəfə isə istedadlı gənclər, eyni zamanda Dövlət Uşaq Filarmoniyasının solistləri olan bu ifaçılar bu dəfə Dövlət Uşaq Filarmoniyasının səhnəsində klassik musiqisevərləri sevindirdi. Proqramda qeyd olunan əsərlərin hər biri virtuoz ifa bacarığı və dərin emosional duyğuları ifadəsini tələb edən mürəkkəb musiqi nümunələri idi. Yaşlarının gənc olmasına baxmayaraq iştirakçılar bu mürəkkəb əsərləri böyük peşəkarlıqla səsləndirərək tamaşaçıların rəğbətini qazandılar. Azərbaycan Dövlət Uşaq Filarmoniyası istedadlı uşaqlara klassik musiqi dünyasında öz bacarıqlarını nümayiş etdirmək və inkişaf etdirmək üçün yeni imkanlar yaratmağa davam edir.
2025-10-21 17:45:00
Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi (MEMİM) tərəfindən təşkil olunan, dahi bəstəkar, musiqişünas, pedaqoq Üzeyir Hacıbəylinin 140 illik yubileyinə həsr edilən silsilə ustad dərsləri başa çatıb.
2025-10-21 17:11:00
ASTANA, QAZAXISTAN. Görünənləri tam şəkildə əks etdirmək üçün söz tapmaqda çətinlik çəkdiyin zaman yaşanan inanılmaz emosional sarsıntı hissi... Amma yenə də oxuculara bu böyük sənət əsəri və dünya premyerası olan "İki Xalça" baletinin möhtəşəmliyini çatdırmağa çalışacağam. Bu balet, "Şirvan Xalçası" adlı əfsanə əsasında Mosaic Del Arte tərəfindən hazırlanaraq "Astana Balet" teatrının səhnəsində nümayiş olunub, və bu xalça Qara-Qırmızı rənglərdə Louvre kolleksiyasında saxlanılır, Trend-in müxbiri Astanadan xəbər verir.
2025-10-21 09:07:00
Əməkdar mədəniyyət işçisi, tarzən, Ağdamın "Şur" ansamblının bədii rəhbəri Fərhad Paşayev vəfat edib.
2025-10-21 00:05:00
2024-cü il noyabrın 16-da Bakının Nizami rayonunda qətl hadisəsi olur. Daxil olan məlumat əsasında polis və prokurorluq əməkdaşları hadisə yerinə yollanır. Məlum olur ki, cinayət Özbəkistan küçəsi 1-də kafenin qarşısında baş verib.
2025-10-20 21:00:00
31 oktyabr - 2 noyabr tarixlərində Heydər Əliyev Fondu və İDEA İctimai Birliyinin təşkilatçılığı, Azərbaycan Respublikasının Mədəniyyət Nazirliyinin tərəfdaşlığı ilə Bakıda incəsənət festivalı keçiriləcək. Layihənin müəllifi və təşəbbüskarı Heydər Əliyev Fondunun vitse-prezidenti, IDEA İctimai Birliyinin təsisçisi Leyla Əliyevadır. Layihənin məqsədi Bakını qlobal səviyyədə əks-səda yaradan, bir şəhər olaraq ənənə və müasirliyi birləşdirən, müxtəlif fikirləri bir araya gətirən və gələcək nəsillərə ilham verən mədəniyyət paytaxtı kimi təqdim etməkdir. Üç gün ərzində incəsənət həvəskarlarını maraqlı və qeyri-adi bir həftəsonu gözləyir. "Bakıya Uçuş. İncəsənət Həftəsonu. Gələcəyimizi İNDİ Duy" ("Fly to Baku. Art Weekend. Sense the Future NOW") layihəsi həftəsonu Bakını yaradıcılıq, duyğular və enerji dalğasına bürüyəcək. Beynəlxalq incəsənət dünyası ilə mənalı dialoqu təşviq edən Art Weekend-in əsas elementi kimi davamlılığın, yenilənmənin və ortaq yaddaşın rəmzi olan su seçilib. Bu da təsadüfi deyil. Belə ki, su həm yaradıcı impulsun metaforası, həm dəyişimin güzgüsü, həm də insan və təbiət arasında körpünün rəmzidir. Bu baxımdan su fəlsəfi, bədii və ekoloji baxımdan Art Weekend konsepsiyasının mərkəzində yer alacaq. Festival günlərində ziyarətçiləri Bakıda sərgilər, təqdimatlar, mühazirələr, ustad dərsləri, musiqi sessiyaları, ekskursiyalar, küçə rəsm layihələri, immersiv küçə teatrının layihələri ilə tanışlıq gözləyir. Festival Bakının müxtəlif incəsənət ocaqlarını - Heydər Əliyev Mərkəzi, İçərişəhər, Müasir İncəsənət Muzeyi, Daş Salnamə Muzeyi, Səməd Vurğun adına Azərbaycan Dövlət Akademik Rus Dram Teatrı, Bakı Marionet Teatrı, Respublika Uşaq-Gənclər İnkişaf Mərkəzi, Maqsud İbrahimbəyov Yaradıcılıq Mərkəzi, Q Gallery, Bakı Fotoqrafiya Evi, YARAT Müasir İncəsənət Məkanı, Azərbaycan Rəngkarlığı Muzeyi , Azərbaycan Dövlət Rəssamlıq Akademiyası, "Nine Senses" İncəsənət Mərkəzi və digər məkanları əhatə edəcək.