MEMİMin “Sənət dialoqu” layihəsi çərçivəsində ilk görüş keçirilib
Kriminal 02 Mar 2026 15:28:00 243 0
Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi (MEMİM) tərəfindən "Sənət dialoqu" adlı yeni layihə həyata keçirilir.
Layihə çərçivəsində Qara Qarayev adına Mərkəzi İncəsənət Məktəbində Bakı Xoreoqrafiya Akademiyasının (BXA) prorektoru, xoreoqraf və pedaqoq, Xalq artisti Təranə Muradova ilə görüş təşkil olunub. Tədbir BXA, Bakı Şəhər Mədəniyyət Baş İdarəsi, Azərbaycan Dövlət Uşaq Filarmoniyası və Qara Qarayev adına Mərkəzi İncəsənət Məktəbinin dəstəyi ilə gerçəkləşib.
Əvvəlcə çıxış edən MEMİM-in direktoru dosent Vüqar Hümbətov layihə haqqında məlumat verib. Qeyd edib ki, məqsəd tanınmış mədəniyyət xadimlərinin paytaxt və regionlarda fəaliyyət göstərən incəsənət məktəblərinin şagirdləri ilə görüşlərinin təşkili, sənətkarların öz bilik və təcrübələrini gənc istedadlarla bölüşməsi, gənc nəslin sənət zövqünün zənginləşdirilməsi və onların yaradıcılığının stimullaşdırılmasıdır.
Xalq artisti Təranə Muradovanın ölkəmizdə xoreoqrafiya sahəsinin inkişafına verdiyi töhfələrdən danışan V.Hümbətov yeni xoreoqraflar nəslinin yetişdirilməsində onun mühüm xidmətləri olduğunu bildirib.
Mərkəzi İncəsənət Məktəbinin direktoru professor Könül Hüseynova layihənin əhəmiyyətini vurğulayıb, tanınmış xoreoqrafın sənət yolu və pedaqoji fəaliyyətindən söz açıb.
Təranə Muradova rəqs sənəti haqqında məlumat verib, bu sahənin tədrisi və təbliği məsələlərindən danışıb. Rəqs üçün geyim, milli elementlər, musiqi seçimi və s. problemlər ətrafında söhbət aparılıb. O, "Sənət dialoqu" layihəsinə dəvət olunduğuna görə minnətdarlığını bildirib, auditoriyanı maraqlandıran sualları cavablandırıb.
MEMİM-in əməkdaşı Nicat Həsənzadənin moderatorluğu ilə keçirilən tədbirdə BXA, Azərbaycan Dövlət Uşaq Filarmoniyası, Qara Qarayev adına Mərkəzi İncəsənət Məktəbi, Vaqif Mustafazadə adına 2 nömrəli, eləcə də 4 nömrəli incəsənət məktəblərinin şagirdlərindən ibarət rəqs kollektivləri rəngarəng proqramla çıxış ediblər.
Təqdim edilən rəqs nömrələri tədbir iştirakçıları tərəfindən maraqla qarşılanıb.
İnformasiya dəstəyi - Trend.Az, Day.Az, Son.az, Azernews.Az
Biləsuvar rayonunda salınmış məcburi köçkün qəsəbələrində fərdi ya
Bir müddət əvvəl həbsdən azad olunan və hazırda barəsində başqa cinay
Biləsuvar rayonunda salınmış məcburi köçkün qəsəbələrində fərdi ya
Gəncə şəhərində yerləşən Cümə məscidində təmir-bərpa işlərinin
Xəbər verdiyimiz kimi, istirahət üçün Dubaya yollanan bloqer cütlük Ülv
Müğənni Elvin Mirzəzadə Dubayda qalıb.
"Azərbaycan dövləti və xalqına minnətdaram ki, bu çətin dövrdə ö
Türkiyədə yayımlanan "Yeraltı" serialı ilə bağlı yeni iddia g
İranda yüksək səviyyəli şəxslər öldürülüb. Yalnız İranın Qüds
İranın xarici işlər naziri Seyid Abbas Əraqçi ölkənin Ali Lideri Seyid
Bu ildən Əmək Məcəlləsində əhəmiyyətli dəyişikliklər edilib. Bu də
Türkiyə ilə İran sərhədindəki hər üç keçid məntəqəsində sərnişi
