Başına pul qoyulan ölkəyə rəsmi səfərə gedir
Dünya 01 Noy 2025 23:02:00 80 0
Bir müddət əvvəl ABŞ tərəfindən "terrorçu" elan edilən və başına 10 milyon dollar mükafat qoyulan Əhməd Şara indi Suriya Prezidenti kimi 10 noyabrda Vaşinqtona rəsmi səfər edəcək. Şara Ağ Evdə ABŞ Prezidenti Donald Tramp ilə görüşəcək. O, Ağ Evi ziyarət edən ilk Suriya Prezidenti olacaq.
Bu xəbəri də oxu: RusiyaABŞ sammiti keçiriləcək? Peskov açıqladı
Son.az xəbər verir ki, ABŞ-nin Ankaradakı səfiri və Suriya üzrə xüsusi nümayəndəsi Tom Berrak açıqlamasında bildirib ki, Əhməd Şara 10 noyabrda Vaşinqtona gedəcək. Səfər çərçivəsində Suriya ilə ABŞ-nin rəhbərlik etdiyi İŞİD əleyhinə koalisiyaya qoşulması ilə bağlı anlaşma memorandumunun imzalanması gözlənilir.
Berrak əlavə edib ki, Suriya və İsrail arasında beşinci raund danışıqlar da məhz bu səfər zamanı Vaşinqtonda keçiriləcək. ABŞ tərəfi bu ilin sonunadək Suriya ilə İsrail arasında təhlükəsizlik sazişi imzalamağı hədəfləyir.
Qeyd edək ki, ABŞ hakimiyyəti bir müddət əvvəl Əhməd Şaranı "Heyət Təhrir əş-Şam" (HTŞ) qruplaşmasının lideri kimi terrorçu elan etmiş və onun tutulması üçün 10 milyon dollar mükafat təklif etmişdi.
ABŞ Dövlət Departamenti iyul ayında Suriya ilə bağlı sanksiyaların ləğvindən sonra HTŞ-ni terror təşkilatları siyahısından çıxardığını açıqlamışdı. Bu qərarın Ədliyyə və Xəzinə nazirlikləri ilə razılaşdırılaraq qəbul edildiyi və immiqrasiya qanununun 219-cu maddəsinə əsasən HTŞ-nin "xarici terror təşkilatı" statusunun rəsmən ləğv olunduğu bildirilmişdi.
30 iyun tarixində Tramp ABŞ-nin Suriya sanksiyalarını ləğv edən tarixi fərmanı imzalayıb. Ağ Evin açıqlamasında bildirilib:
"Prezident Donald Tramp Suriyanın sabitlik və sülh yolunu dəstəkləmək məqsədilə bu ölkəyə qarşı tətbiq edilən sanksiyaları sona çatdıran tarixi qərar qəbul edib."
ABŞ administrasiyası Suriyadan İsraillə əlaqələrin normallaşdırılması istiqamətində konkret addımlar atmasını, həmçinin İŞİD-in yenidən fəallaşmasının qarşısının alınması və Suriyanın şimal-şərqindəki İŞİD məhbuslarının idarəçiliyini üzərinə götürməsini tələb etmişdi. Lalə Qüdrətova Son.az
Yevlaxın Salahlı kəndində yerləşən orta məktəb qəzalı vəziyyətdədi
Baş Prokuror yanında Korrupsiyaya qarşı Mübarizə Baş İdarəsi Qaradağ R
Qış aylarının gəlməsi ilə birlikdə qaz və elektrik xərclərinin artmas
Bakının mərkəzində küçədə təbii ehtiyacını ödəyən gənc oğlan c
YARAT Müasir İncəsənət Mərkəzində "Bakıya uçuş. Art Weekend. Gə
Yaşıl çayı içmək üçün ən doğru vaxt hansıdır və gündə nə qədə
Mədəniyyət Nazirliyinin Mədəniyyət üzrə Elmi-Metodiki və İxtisasartır
Məşhur türkiyəli müğənni Mahsun Kırmızıgül Rusiyanın paytaxtı Moskv
ABŞ-nin Nyu-York şəhərində yerləşən "LaGuardia" hava limanınd
İsrailin təhlükəsizlik və analitik məsələləri üzrə ixtisaslaşmış
Palçıq Vulkanları Turizm Kompleksindəki vulkanlardan biri hər üç dəqiqə
Binəqədi rayonu Sulutəpə qəsəbəsi 328 saylı uşaq bağçasında yüksək
Bakıda qadın evinin qarşısında döyülüb.
Rus dilinin ən uzun sözü 55 hərfdən ibarətdir.
