Qoç Bu gün daxili dünyanıza çəkilmək və gələcəyin planlarını qurmaq üçün mükəmməl vaxtdır. Aktiv fəaliyyətdən çox, müşahidəçi rolunda qalmağınız məsləhətdir. İş yerində bəzi gizli məqamlar üzə çıxa bilər, lakin hələ ki, reaksiya verməyə tələsməyin. Şəxsi münasibətlərdə partnyorunuzun emosional dəstəyə ehtiyacı ola bilər; ona qulaq asmaq aranızdakı bağı gücləndirəcək. Ruhunuzu dinləndirmək üçün meditasiya və ya su kənarında gəzinti sizə çox yaxşı təsir edəcək.

Buğa Sosial çevrənizdə və dostluq münasibətlərinizdə hərəkətlilik gözlənilir. Uzun müddətdir görmədiyiniz dostlarınızla görüşə bilər və ya yeni bir qrupun fəaliyyətinə qoşula bilərsiniz. Maddi məsələlərdə gələcəyə yönəlik ortaq layihələr gündəmə gələ bilər. Lakin ulduzlar xəbərdarlıq edir: maliyyə sənədlərini imzalayarkən diqqətli olun, çünki bu gün detallar gözünüzdən qaçmağa meyllidir. İnsanlara yardım etmək istəyiniz sizi xeyriyyə işlərinə sövq edə bilər.

Əkizlər Karyeranızda vizyonunuzun genişləndiyi bir gündür. Rəhbərliklə münasibətlərdə yaradıcı tərəflərinizi göstərə bilərsiniz. İş həyatınızda qarşınıza qoyduğunuz hədəflərin artıq xəyal olmaqdan çıxıb reallığa çevrildiyini hiss edəcəksiniz. Lakin iş yükünün yaratdığı dağınıqlıq diqqətinizi yayındıra bilər. Günün ikinci yarısında ev və ailə məsələləri arasında balans qurmaq məcburiyyətində qalacaqsınız. Özünüzü cəmiyyətə necə təqdim etmək istədiyinizi bir daha nəzərdən keçirin.

Xərçəng Bu gün uzaq səfərlər, xarici əlaqələr və ya akademik mövzular diqqət mərkəzindədir. Dünyagörüşünüzü genişləndirəcək yeni bir məlumat əldə edə bilərsiniz. Mənəviyyat və fəlsəfəyə olan marağınız sizi maraqlı araşdırmalara aparacaq. Hüquqi məsələlərdə bəzi qeyri-müəyyənliklər yarana bilər, ona görə də rəsmi işlərdə ikiqat diqqətli olun. Ruhən özünüzü uzaqlara getmək istəyində hiss edə bilərsiniz. Bu gün xəyallarınızın arxasınca getmək üçün daxili cəsarət tapacaqsınız.

Şir Maddi məsələlərdə, xüsusən də ortaq büdcə, miras, sığorta və ya kreditlərlə bağlı bəzi dumanlı vəziyyətlər yarana bilər. Pulla bağlı qərarlarınızı bir gün təxirə salmaq daha yaxşı olar. Emosional tərəfdən isə çox dərin və transformasiyaedici bir gündür. Qorxularınızla üzləşmək və onları arxada qoymaq üçün kosmik enerji sizinlədir. Sevgidə ehtiraslı, lakin bir o qədər də sirli ola bilərsiniz. İntuisiyanızın səsini dinləyin, o sizə kimə güvənməli olduğunuzu deyəcək.

Qız Diqqətiniz tamamilə ikili münasibətlərə və tərəfdaşlıqlara yönəlib. Həyat yoldaşınız və ya iş ortağınızla aranızda emosional bir körpü qurula bilər. Lakin qarşı tərəfi həddindən artıq ideallaşdırmaqdan çəkinin; reallıq bəzən xəyallarınızdan fərqli ola bilər. Əgər təksinizsə, qarşınıza çıxan yeni insan sizdə mistik bir təəssürat yarada bilər. Müqavilələr və razılaşmalar üçün dumanlı bir gündür, şərtləri dəfələrlə yoxlayın. Empatiya qurmaq bacarığınız bu gün ən böyük silahınız olacaq.

Tərəzi Gündəlik rutinlər, iş mühiti və sağlamlıq mövzuları ön plandadır. İş yerində kolleqalarınızla yardımlaşma dərəcəniz artacaq, lakin kimsə sizin xoşniyyətinizdən sui-istifadə edə bilər, sərhədlərinizi qoruyun. Sağlamlıq tərəfdən isə xüsusilə ayaqlar və immunitet sistemi həssas ola bilər; ayaqüstü çox qalmamağa çalışın. Pəhriz və ya detoks proqramına başlamaq üçün yaxşı gündür. Dağınıq işləri nizama salmaq əvəzinə, bu gün yaradıcı işlərlə məşğul olmaq sizi daha az yoracaq.

Əqrəb Eşq, yaradıcılıq və hobbilər sahəsində parladığınız bir gündür. Özünüzü hər zamankından daha romantik və ilham dolu hiss edəcəksiniz. Övladları olan Əqrəblər üçün onlarla keçirilən vaxt həm öyrədici, həm də əyləncəli olacaq. Sənət və ya musiqi ilə məşğul olanlar üçün bu gün əsl "şah əsər" yaratmaq fürsətidir. Şans oyunları və ya riskli yatırımlarda ehtiyatlı olun, çünki uğur xəyalı sizi yanlış addım atmağa vadar edə bilər. Sevginizi ifadə etməkdən çəkinməyin.

Oxatan Diqqətiniz ev, ailə və köklərinizə yönəlib. Evinizdə hüzur tapmaq istəyi üstün gələcək. Valideynlərlə olan münasibətlərdə köhnə mövzular gündəmə gələ bilər, lakin bu dəfə onları emosional anlayışla həll edə bilərsiniz. Ev alqı-satqısı və ya təmir işləri üçün bir az dumanlı vaxtdır, qərarlarınızı netləşdirmək üçün tələsməyin. Daxili aləminizdə bir növ "yuvaya dönmə" hissi hakimdir. Keçmişdən gələn bir xatirə və ya əşya bu gün sizi duyğulandıracaq.

Oğlaq Ünsiyyət, qısa səyahətlər və yaxın ətrafınızla əlaqələr bu gün çox aktivdir. Qardaş-bacı və ya qonşularla olan münasibətlərdə anlaşılmazlıqlar ola bilər, sözlərinizi seçərək deyin. Yaradıcı yazarlıq və ya fikir mübadiləsi üçün əla zamandır. Zehniniz çox sürətli işləyir, lakin diqqətinizi bir yerə cəmləməkdə çətinlik çəkə bilərsiniz. Yeni bir təlimə başlamaq ideyası sizi həyəcanlandıra bilər. Texnoloji cihazlarla bağlı problemlər yarana bilər, məlumatlarınızı (back-up) qorumağı unutmayın.

Dolça Maddi dəyərlər, gəlirlər və özünəinam mövzuları gündəmdədir. Pul qazanmaq üçün yeni və yaradıcı yollar tapa bilərsiniz. Lakin xərcləmələrdə "ip ucu" qaça bilər; lazımsız əşyalara pul xərcləməkdən çəkinin. Özünüzü nə dərəcədə dəyərli hiss etdiyinizi sorğulaya bilərsiniz. Sənətkarlıq və ya əl işləri ilə məşğul olmaq sizə həm mənəvi, həm də gələcəkdə maddi xeyir gətirə bilər. Maddi sabitlik istəyinizlə azadlıq sevginiz arasında bir tarazlıq nöqtəsi tapmalı olacaqsınız.

Balıqlar Bu gün göy üzünün ulduzu sizsiniz! Ay sizin bürcünüzdə hərəkət edir və enerjinizi zirvəyə daşıyır. Özünüzü hər zamankından daha həssas, intuitiv və cazibədar hiss edəcəksiniz. İnsanlar sizin auranızın təsirinə düşəcək. Xarici görünüşünüzdə dəyişiklik etmək və ya özünüzə qulluq etmək üçün əla vaxtdır. Lakin fiziki enerjiniz tez tükənə bilər, ona görə də özünüzü çox yormayın. Xəyallarınızın çox real olduğu bir gündür; onları qeyd edin, çünki çoxu gələcəyə dair işarələr ola bilər. Lalə Qüdrətova Son.az