Ən pisi də odur ki, bu təbliğatın izləyici sayı günbəgün artır. Bu da məsələni kommersiyalaşdırır. Yəni bu gün efirdə kimlərinsə boşanması geniş müzakirə edilirsə, bu həm də yeni-yeni sponsorların ortaya çıxması deməkdir.

Nə etməli?

Son.az xəbər verir ki, mövzu ilə bağlı Bizim.Media-ya danışan sosioloq Üzeyir Şəfiyev deyir ki, Azərbaycanda boşanma bumu yaşanır:

"Ölkəmizdə heç vaxt olmadığı qədər boşanma statistikası var. 2024-cü ildə 49 min 508 nikah, 21 min 384 boşanma qeydə alınıb. Bu rəsmi statistikadır. Əgər buraya boşanmanı realllaşdırmamış  birlikdə ikən ayrılanları, yəni münaqişəli cütlüküləri də əlavə etsək, vəziyyət daha düşündürücü olur. Boşanmalarda iki yeni tendensiya özün göstərir. Birinci tendensiya bizdə çox nadir hal olan "boz boşanma", yəni 50 yaşdan yuxarı cütlüklər arasında boşanmaların artmasıdır (7-8 min), ikinci tendensiya uşaqlı ailələrdə boşanmanın üstünlük təşkil etməsidir. Əlbəttə, boşanmanın səbəbləri çox spesifik, fərqlidir".

Bu prosesi tətikləyən faktorlar var.

Müsahibimiz qeyd edib ki, Azərbaycan cəmiyyətində düşüncə transformasiyası baş verir:

"Bu da səbəbsiz deyil. Qərb mərkəzli güclərin klassik ailə institutunu hədəf almaq, qadın hüquqları adı ilə qadın kişi qarşıdurması yaratmaq, aqressiv feminist dalğanı Azərbaycana yansıtmaq cəhdləri var. Problemin həlli üçün ilk növbədə mətbuat, sosial media, sosial şəbəkə platformaları sağlam olmalı, ailə dəyərləri bu platformalarda deqradasiyaya uğramalıdır.

Əfsuslar olsun ki, günümüzdə "ailə dəyərləri" sözügedən platformalarda zərbə altına düşür.

Əgər boşanmış məşhur imzalar bu platformalar vasitəsilə boşanmanı təbliğ edirlərsə, sosial şəbəkələrdə boşanma partiləri keçirilirsə və onlara "sağ əlin mənim başıma, mən də edəcəm" komenti yazılırsa, əgər bir əməkdar artist mətbuatda boşandıqdan sonra "gözəlləşmişəm" deyirsə, bir məşhur müğənni yoldaşınının xəyanətini xəyanətlə cavablandırdığını efirlər vasitəsilə tamaşaçıya yansıdırsa, bu ailə dəyərlərinin sosial şəbəkə və televiziyalar vasitəsilə ayaqlar altına atılması deyilmi?!"

Ailə münasibəti kommersiyalaşıb

Psixoloq Gülnar Orucova deyir ki, boşanmaların sayının çoxalmasının iki səbəbi var:

"Birinci səbəb odur ki, ikili münasibətlər kommersiyalaşıb. Bu gün həm oğlan, həm də qız qarşı tərəfə "pul kisəsi" kimi baxır. Sonrakı mərhələdə bu ümidlər boşa çıxanda artıq ailədaxili münaqişə başlayır.

İkinci səbəbsə odur ki, ailəyə kənar müdaxilələr çoxalıb. Əgər əvvəllər ailəyə müdaxilə daha çox qayınana tərəfindən olurdusa, indi mənzərə dəyişib. İxtiyari şəxs başqasının ailəsi haqqında söz sahibi kimi danışır. Fikir verin, televerilişlərdə dəvət olunan istənilən şəxs cütlüyə "ağıl verir". Bəzi hallarda isə odun üstünə körüklə gedirlər. Sanki insanlar başqalarının əzabından, problemindən ləzzət alır. Bir sıra insanlar çalışırlar ki, ətrafdakı insanlar daha bədbəxt və zavallı olsun. Sanki bu həmin adama əhatəsində seçilmək imkanı verəcək".

Pul insan xoşbəxtliyinin bir ünsürüdür...

Müsahibimiz qeyd edir ki, bəziləri elə düşünür ki, çoxlu pulu olanda xoşbəxt olacaq:

"Əsla! Pul insanı xoşbəxt etmir. Ən yaxşı haldı hansısa istəyini reallaşdırmaqda vasitəçi olur. Xoşbəxtlik qarşılıqlı hörmətdir, sədaqətdir, hüzndür. Bax bu amillər olan ailə xoşbəxt ailədir. Və ailənin sirlərini ictimailəşdirmək əxlaqsızlıqdır. Bu qalanı içəridən dağıtmaqdır. Heç kimə ixtiyar verilmir ki, milyonların qarşısında oturub kiməsə "ailə dəyərləri"ndən dərs desin".