Son.az xəbər verir ki, astroloq Katerina Solovyova "RBC-Ukrayna" üçün həftəlik astroproqnoz hazırlayıb və hər gün üçün ətraflı tövsiyələr verib.

12 may - Əqrəb bürcündə Dolça Ay və dağıdıcı dərəcə

Astroloq xəbərdarlıq edir: bu gün yeni işlərə başlamaq, vacib qərarlar qəbul etmək, cərrahi və stomatoloji müdaxilələr, gözəllik salonuna getmək, bahalı alış-verişlər və boşanma kimi məsələlər üçün qeyri-münasib gündür.

Axşam saat 19:56-da (Kyiv vaxtı ilə) Dolça Ayın tam fazası müşahidə olunacaq. Solovyovaya görə, qadınlar bu enerjini kişilərə nisbətən daha dərindən hiss edirlər.

Astroloqun Dolça Ay üçün əsas qaydaları:

Emosiyalara uymayın, sinir sisteminizi yükləməyin

Təlqinə, provokasiyalara və tənbəlliyə qarşı diqqətli olun

Cinsi münasibətlərdən çəkinin - instinktlər güclənir, nəzarətsiz davranış mümkündür

Ehtirasları cilovlayın, intizamlı olun, yarımçıq işləri tamamlayın

Borcları qaytarın və çətin işlərə yönəlin

Bu gün Ay özünü narahat hiss etdiyi Əqrəb bürcündə olacaq. Enerjini tarazlamaq üçün ağ rəng və gümüşü tonlar tövsiyə edilir.

Saat 11:27-dən 13:27-yə qədər Ay dağıdıcı dərəcədə olacaq. Bu zaman vacib işləri planlaşdırmaq tövsiyə edilmir.

13 may - Tənqidə və səhvləri etirafa açıq olun

Yeni təşəbbüslər, vacib qərarlar, cərrahi və stomatoloji prosedurlar üçün əlverişsiz gündür. Saat 11:35-dən sonra gözəllik salonuna getmək olar.

Astroloq xəbərdarlıq edir: bu kritik gündə öz səhvlərinizi qəbul edin, təxribatlara uymayın və qorxularınızı pozitiv keyfiyyətlərə çevirin.

14 may - May ayının ən uğurlu günlərindən biri

Bu gün yeni işlərə başlamaq, mühüm qərarlar qəbul etmək, cərrahi müdaxilələr, toylar, köç, səyahətlər, ticarət və biznes üçün çox uğurludur.

"Danışıqlar, müqavilələrin imzalanması, avadanlıq alınması, maliyyə əməliyyatları və imtahanlar üçün ideal gündür. Ədalət, dürüstlük və məsuliyyət günü olacaq. Başqalarına yardım edin, bu gecə yuxularınız önəmli işarələr verə bilər," - deyə astroloq bildirib.

15 may - Həqiqətlərin üzə çıxdığı gün

Yeni başlanğıclar, vacib qərarlar və uzaq səfərlər üçün uyğun deyil. Bahalı alış-verişlərdən çəkinmək məsləhətdir. Cərrahi və stomatoloji prosedurlar, eləcə də gözəllik salonuna getmək olar.

"Bu gün ətraf mühit sizin daxili aləminizin güzgüsünə çevriləcək. Haqqınızda deyilən hər şey, istər xoş, istərsə də tənqidi - doğru olacaq. Seksual əlaqələrdən və alkoqoldan uzaq durun. Qadınlara hədiyyə vermək kişilər üçün faydalı olacaq," - Solovyova qeyd edib.

16 may - Mənfi enerjiyə qarşı mübarizə

Yeni işlərə başlamaq, mühüm qərarlar qəbul etmək, cərrahi prosedurlar və gözəllik salonu üçün münasib deyil. Bu gün həm özünüzü, həm də evinizi enerjidən təmizləmək, yaradıcı fəaliyyətlə məşğul olmaq tövsiyə olunur.

"Sazişlər bağlamayın, evlənməyin, borc almayın və verməyin. Yeni insanlara və ideyalara ehtiyatla yanaşın. Mənfi fikirləri beyninizə yeridən şəxslərlə əlaqəni kəsin", - deyə astrolog bildirib.

17 may - Dəyişikliklər və daxili güc günü

Gözlənilməz hadisələr və ani dəyişikliklər mümkündür. Bu gün insanın ruhi inkişafı üçün güclü enerji daşıyır.

Saat 09:45-dən 11:39-a qədər Ay Oğlaq bürcündə dağıdıcı dərəcədə olacaq - bu zaman emosiyalar, instinktlər və ruh halı dərin təsirlərə məruz qala bilər. Bu saatlarda vacib işlərdən çəkinmək tövsiyə olunur.

Əgər insan bu sınaqları təmkinlə və ləyaqətlə keçə bilsə, qarşılığında böyük mükafat qazana bilər.

18 may - Yeni uğurlar və qələbələr vaxtı

Yeni işlər, təşəbbüslər, əməliyyatlar, saç kəsimi, toy, iş müraciətləri və iri tədbirlər üçün əla gündür.

"Bu, irəliləyiş, liderlik və yaradıcılıq günüdür. Mərdlik, məqsədyönlülük və özünüifadə ön plandadır. Konsert, şou və tədbirlərdə iştirak edin, ya da özünüz çıxış edin", - astroloq bildirib.

Enerjinizi artırmaq üçün narıncı, qızılı və sarı rənglər geyinin, qızıl zinət əşyaları taxın, portağal yeyin və günəbaxan simvolundan istifadə edin.

Kənan Son.az