Qapısında bu işarə olanların birbir evlərinə girirlər
Digərləri 30 Okt 2025 00:28:00 64 0
Polis və təhlükəsizlik mütəxəssisləri ev sahiblərini yeni yayılan oğurluq üsulu barədə xəbərdar ediblər. Almaniyada "Gaunerzinken" adlanan bu gizli işarələr oğruların öz aralarında məlumat paylaşmaq üçün istifadə etdiyi sistem kimi tanınır. Bu simvollar sayəsində cinayətkar qruplar hədəf evlər barədə məlumat toplayır, lakin əksər hallarda bu işarələr çox kiçik və diqqətçəkməyən olur.
Bu xəbəri də oxu: Kişilərin ürəyi daha zəif olur Həkim təsdiqlədi
Son.az xəbər verir ki, Almaniyada oğurluq hadisələrini araşdıran polis əməkdaşlarının sözlərinə görə, artıq bu işarələr sadə "X", kvadrat və ya dairə kimi klassik simvollarla məhdudlaşmır.
Oğrular indi qapı ağzına qoyulmuş kiçik daşlar, poçt qutusuna sıxışdırılmış kağız parçaları və ya təbaşirlə çəkilmiş solğun xətlər kimi daha az nəzərə çarpan üsullardan istifadə edirlər.
Bu cür gizli nişanlar evin təhlükəsizlik səviyyəsi, içəridə kiminsə olub-olmaması və ya qaçışın asan olub-olmaması barədə oğrulara məlumat verir.
Mütəxəssislər bəzi ən çox rast gəlinən simvolların mənasını belə izah edir:
Sadə "X" işarəsi - evdə dəyərli əşyaların ola biləcəyinə işarədir.
"X" ətrafında dairə - artıq götürüləcək heç nə qalmadığını bildirir.
Kvadrat, dairə, xətt və ya cızıq - evdə yaşlı birinin yaşadığını, girilməsinin asan olduğunu və ya təhlükəli it olduğunu göstərə bilər.
Amma polis xəbərdarlıq edir: bu günün oğruları klassik simvollar əvəzinə çox diqqət çəkməyən izlər qoymağa üstünlük verirlər. Ona görə də tək bir işarə görüb panikaya düşməkdənsə, ərazidə ardıcıl və təkrarlanan izlərin olub-olmadığına baxmaq lazımdır.
Polis və yerli icma nümayəndələri aşağıdakı hallarda ehtiyatlı olmağı məsləhət görür:
Qapı ağzında adi halda olmayan daş, budaq və ya kağız parçaları varsa;
Uzun müddət açılmamış poçt qutusu dolubsa;
Qapı və ya divarda naməlum cızıqlar, solğun simvollar və ya təbaşir izləri görünürsə.
Bu əlamətlər mütləq oğurluq olacağı mənasına gəlmir, bəzən təsadüfən və ya zərərsiz səbəblərlə də yarana bilər. Amma eyni ev və ya məhəllə ətrafında təkrarlanan şübhəli hallar müşahidə olunarsa, komşularla birlikdə diqqətli olmaq vacibdir.
Polis və təhlükəsizlik mütəxəssisləri aşağıdakı addımları tövsiyə edir:
Foto çəkin - gördüyünüz şübhəli işarələri sənədləşdirin.
İzləri silin - işarələr qalıcı hala gəlmədən onları aradan qaldırın.
Qonşuları xəbərdar edin - birgə xəbərdarlıq oğruların planlarını poza bilər.
Polisə məlumat verin - təkrarlanan və ya açıq təhlükə yaradan halları dərhal bildirin.
Təhlükəsizlik sistemini yoxlayın - kamera, xarici işıqlandırma və poçt qutusu nəzarəti kimi sadə tədbirlər belə oğrular üçün ciddi maneə ola bilər.
Lalə Qüdrətova Son.az
Demək olar ki, hər evdə olan, amma çox tez boyatlayan çörəklər üçün m
Xalq şairi Sabir Rüstəmxanlı qızı Aydan Rüstəmxanlı ilə müğənni El
Milli.Az dünyanın nüfuzlu və məşhur ulduz falları portalları "Horoscope"
Müğənni Şəbnəm Tovuzlu yeni avtomobil və villa alıb.
Ukrayna ordusunda xidmət edən polkovnik sosial şəbəkədə paylaşdığı fo
Sumqayıtda 21 yaşlı gənc idman zalında vəfat edib.
ABŞ Mərkəzi Bankı (FED) iki gün davam edən iclasdan sonra gözlənilən fa
Tanınmış meyxanaçı Rəşad Dağlı dərialtı iltihabına görə əməliyya
Son günlər ölkə gündəmini zəbt edən, əri tərəfindən şiddət göstə
Bir neçə gün əvvəl həyat yoldaşı Tamerlan Məmmədov tərəfindən sosia
Sabah saat 09:30-dan etibarən Səbail, Binəqədi, Nizami və Suraxanı rayonla
Cəlilabad Bələdiyyələrin Əlaqələndirmə Şurasının və rayonun Üçtə
Paris Sülh Forumu çərçivəsində baş tutan "COP29-dan COP30-a: Qlobal
Bakıda daha bir ərazidə binalar plana düşüb, söküntü işlərinə başla
Xəbər verdiyimiz kimi, Türkiyənin Kocaeli vilayətinin Gebze bölgəsində 5
